३ साउन २०८१, बिहिबार
३ साउन २०८१, बिहिबार

खै मेरो लोकतन्त्र

शान्ता भण्डारी

जनयुद्ध घोषणा भो
बिद्रोह सशस्त्र को
जनता लामबद्ध भो
प्रतिकार दमनको ।

जनपक्षिय अगुवाहरु
जनताका प्रतिनिधिहरु
समातिन्थे नै दिनहुँ
अचम्म थिएन मारिनु ।

बेपत्ता र घाइतेको
गणना नै कहाँ थियो
उठिवास कति हुन्थ्यो
त्याग्नै घरवास पथ्र्यो ।

लक्का जवान बाइसको
बाइसै पुग्यो बिछोडको
अँधेरी थियो बिहानको
असार तीन एकासिको ।

उडी आयो चिलसरी
राज्यको क्रुर सिपाही
टिपि गयो चल्ला लिई
काख आमाको रित्याई ।

पत्तो आजसम्म छैन
सूचना सुइको छैन
छ कहाँ बोलिदैन
देखाउन मानिदैन ।

रक्षा दायीत्व उसको
किन भक्षक आफै बन्यो
प्रश्न छ राज्यलाई मेरो
मेरो सन्तान कहाँ गयो ?

बिराम के उसको थियो
हरण किन पो गर्यो
भन लुकाइ कहाँ राख्यौ
भन गोप्यमा किन पार्यौ ?

राखेको तिम्ले नै हो
तिम्ले नै लुकाएको
बचाएनि तिमिले हो
मारे जिम्मा नि तिम्रो ?

बन्दी बनाई राखेकै छौ
खाना पेटभरी दिन्छौ
लुगा नि के दिने गर्छौ
कि नागैं राखेकाछौ?

कि लडाएका छौ बाधि
हलचल न हुने गरी
आखामा कालो पट्टी
कानमा ठेडी कोची ।

भएको जे त्यो भन
गरिएको के त्यो भन
राखेको कहाँ हो भन
छोडेको फेहरिस्त भन ।

भन राख्यौ कि जलमा
देखाउ छ कि थलमा
कि टंच्याइ राख्यौ नभमा
न ढाटी सत्य भनन् ।

लिएको काखबाटै थुति
देक्ने आकाश साक्षि
पृथ्वी प्रत्यक्षदर्शी
रोक्न खोज्ने बर्षेझरी ।

आँखाको लाल हाम्रो
संसारमै हाम्रो राम्रो
कठैबरा चिचिलो त्यो
निरिह बेसहारा त्यो ।

ऐया आमै नि पुकार्यो
पुकार ब्यर्थै भयो
गुहार हे चिच्यायो
को त्यहा गुहार दिन्थ्यो ?

थिए पाल्तु राज्यका
हाम्रै नुनले मात्तिएका
बोलि भाषा बन्दुकका
धाक धक्कु सत्ताका ।

सन्तानको सुइको छैन
मुटु चल्छ कि चल्दैन
आफ्नै धडकन याद भएन
आफ्नै खुनको हक रहेन ।

कस्तो कानून सत्ताको
कस्तो न्याय शासकको
के बिवेक राज्यको
के धर्म हो जगतको ?

छ के भनु स्वतन्त्रता
पिरले बाधिएकी म त
भनु भने गणतन्त्र
खै मेरो लोकतन्त्र ?

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
spot_img
spot_img
प्रतिक्रिया

Array

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img

छुटाउनुभयो कि ?