काठमाडौं । सरकारले नागरिकता विधेयक प्रमाणीकरणका लागि राष्ट्रपति रामचन्द्र पौडेलसमक्ष पठाउने निर्णय गरेको छ । शुक्रबार बसेको मन्त्रिपरिषद् बैठकले तत्कालीन राष्ट्रपति विद्यादेवी भण्डारीले प्रमाणीकरण गर्न अस्वीकार गरेको विधेयक पुनः प्रमाणीकरणका लागि पठाउने निर्णय गरेको हो ।
बैठकपछि एक मन्त्रीले भने, ‘नागरिकता विधेयक प्रमाणीकरणका लागि राष्ट्रपतिसमक्ष पठाउने निर्णय भएको छ ।’
यसअघि सत्तारुढ गठबन्धनले नागरिकता विधेयक अघि बढाउन राष्ट्रपतिलाई आग्रह गर्ने निर्णय गरेको थियो । शुक्रबार सोहीअनुसार मन्त्रिपरिषद्ले दुवै संसदले दुईपटक पारित गरिसकेको विधेयक प्रमाणीकरणका लागि राष्ट्रपति समक्ष पठाउने निर्णय गरेको हो ।
साथै, आजको बेठकमा प्रधानमन्त्री पुष्पकमल दाहाल ‘प्रचण्ड’को आगामी भारत भ्रमणबारे समेत छलफल भएको छ । ती मन्त्रीका अनुसार बैठकमा प्रधानमन्त्रीको भारत भ्रमणका क्रममा के–कस्ता एजेण्डा उठाउने भन्नेबारे छलफल भएको भएको छ ।
प्रधानमन्त्री प्रचण्ड बजेट प्रचण्ड यही जेठ १७ गते भारतको औपचारिक भ्रमणमा जाने तयारीमा छन् । पछिल्लो पटक प्रधानमन्त्री भएपछि उनी पहिलो पटक भारत भ्रमणका जाने लागेका हुन् ।
