काठमाडौं। नेपाल कम्युनिस्ट पार्टीका अध्यक्ष ऋषि कट्टेलले प्रधानमन्त्री पुष्पकमल दाहाल प्रचण्डलाई देश निकाला गर्नुपर्ने बताएका छन् ।
एमसीसी कार्यान्वयनविरूद्ध विप्लव नेतृत्वको नेकपाले सोमबार राजधानीमा गरेको अन्तक्र्रिया कार्यक्रममा बोल्दै कट्टेलले प्रचण्डलाई देश निकाला गर्नुपर्ने धारणा राखेका हुन् । कट्टेलले प्रचण्डप्रति चर्को आक्रोश व्यक्त गरे । उनले कार्यक्रममा सहभागी पूर्वप्रधानमन्त्री झलनाथ खनाललाई पनि प्रचण्डविरुद्ध उभिने आँट गर्न आग्रह गरे ।
‘एमसीसी पास गर्ने पुष्पकमल दाहाल राष्ट्रघाती हुन् । उनलाई देश निकाल नगरेसम्म एमसीसी खारेज गर्न सकिँदैन’, झलनाथतिर देखाउँदै उनले प्रश्न गरे, ‘तपाईंहरूकै अध्यक्ष हो क्यारे । पुष्पकमल दाहालाई राष्ट्रघाती भन्ने आँट छ ? उनको विरूद्ध आन्दोलन गर्ने आँट छ ? सबै मिलेर अब पुष्पकमललाई देश निकाला गर्नुपर्छ ।’
सबै जनता मिलेर एमसीसी खारेज गर्नुपर्ने उनले बताए ।
