कमल थापालाई भेट्न गएका दिपक सिंह प्रहरी परिसरमै पक्राउ

काठमाडौं– राप्रपा सांसद दिपक सिंह काठमाडौं प्रहरी परिसरबाटै पक्राउ परेका छन् । राप्रपा नेपालका अध्यक्ष कमल थापालाई भेट्न गएका सिंह आफैँ पक्राउ परेका हुन् ।

गेटबाट भित्र पस्ने क्रममा नै पक्राउ गरिएको हो । प्रहरीमाथि दुर्व्यवहार गरेपछि सिंहलाई पक्राउ गरिएको काठमाडौं प्रहरी परिसरले जनाएको छ ।

यसपछि राप्रपाका प्रमुख सचेतक ज्ञानबहादुर शाहीले उक्त पक्राउबारे आपत्ति जनाएका छन् । उनले पक्राउ परेका थापा, सिंहलगायतलाई रिहा गर्न माग गरेका छन् ।