काठमाडौँ । नेपाली कांग्रेसका सांसद डा. सुनिलकुमार शर्माको काठमाडौँ मेडिकल कलेज लिमिटेड (केएमसी) को स्वास्थ्य टोलीले टुडिखेलमा निःशुल्क स्वास्थ्य शिविर सञ्चालन गरेको छ ।
केएमसी र पिपल्स डेन्टल कलेज एण्ड हस्पिटलको आयोजनामा सोमबार सञ्चालित निःशुल्क स्वास्थ्य शिविरमा उल्लेख्य संख्यामा डेउडा हेर्न आएका दर्शकको स्वास्थ्य जाँच गरिएको केएमसीका प्रबन्धक नारायणप्रसाद दाहालले जानकारी दिएका छन् । उनका अनुसार शिविरमा औषधिसहित १३ जनाको स्वास्थ्य टोली खटिएको थियो । गौराको अवसर पारेर केएमसीको टोली हरेक वर्ष टुडिखेलमा जाने गरेको छ ।