२.५ डिग्री सेल्सियस झर्यो काठमाडौँको तापक्रम

काठमाडौं । काठमाडौँ उपत्यकाको न्यूनतम तापक्रम आज थप घटेको छ।

बिहान पौने ६ बजेको न्यूनतम तापक्रम २.५ डिग्री सेल्सियस मापन हुँदा यो वर्षकै कम रेकर्ड भएको जल तथा मौसम विज्ञान विभागको मौसम पूर्वानुमान महाशाखाले जनाएको छ।

शुक्रबार ३.९ डिग्री सेल्सियस मापन भएको थियो। आज र भोलि काठमाडौँ उपत्यकासहित देशका धेरैजसो भू–भागको मौसम सामान्यतया सफा नै रहने महाशाखाको भनाइ छ।

आज बिहान तराईका केही भू–भागमा हुस्सु लागेको थियो भने उच्च पहाडी तथा हिमाली क्षेत्रमा हिउँ परेको थियो।