काठमाडौं । भक्तपुरको गठ्ठाघरमा ट्रकको ठक्करबाट स्कुटर चालक महिलाको मृत्यु भएको छ । कौशलटारबाट गठ्ठाघर तर्फ गएको ना.६ ख २१७३ नम्बरको भाडाको ट्रकले स्कुटरलाई लछारेको उपत्यका ट्राफिक प्रहरी कार्यालयका एसएसपी जीवन श्रेष्ठले बताए ।
बा.४९ प ८९४४ नम्बरकी स्कुटर चालकको मृत्यु भएपछि त्यहाँ प्रदर्शन भइरहेको छ । ट्रकले स्कुटरलाई लछारेर हत्या गरेको भन्दै प्रदर्शनकारीहरुले मृतकको शव निकाल्न दिएका छैनन् ।
भक्तपुरका एसपी वेद विष्ट नेतृत्वको टोलीले घटनास्थलमा गएर शव निकाल्ने प्रयास गरिरहेका छन् । प्रदर्शनका कारण यातायात प्रभावित भएको छ ।