उमेर ढल्किँदै गर्दा हामीलाई रोगहरूले च्याप्दै जाने हुन्छ । अझ पुरुषको तुलनामा महिलाहरूले आफ्नो स्वास्थ्यमा बढी सतर्कता अपनाउनुपर्ने हुन्छ ।
प्रायः महिलामा बाहिरको कामसँगै घरको पनि जिम्मेवारी सम्हाल्नुपर्ने बाध्यता हुन्छ । त्यसैले उनीहरूले आफ्नो स्वास्थ्यमा धेरै ध्यान दिन पाउँदैनन् । ३५ वर्षपछि महिलामा कयौँ रोगको खतरा बढेर जान्छ ।
महिलाले सबै प्रकारका रोगबाट बच्न दैनिक रूपमा योग तथा कसरत गर्नुपर्दछ । साथमा समय समयमा सम्पूर्ण शरीरको जाँच पनि गर्नुपर्दछ । आज हामी ३५ वर्ष कटेपछि महिलामा आउने समस्याका विषयमा थप जानकारी गराउँछौ ।
–३५ वर्ष उमेर काटेका महिलामा मधुमेहको खतरा पनि अत्यधिक हुन्छ । मधुमेह भएको अवस्थामा अत्यधिक थकान महसुस हुने, धेरै पिसाब लाग्ने र तौल कम हुने वा बढ्ने जस्ता लक्षण देखिन्छन् ।
–३५ वर्षपछि महिलामा हड्डी कमजोर हुने समस्या देखिन्छ । हड्डी कमजोर हुँदा हिँडडुल गर्न समस्या हुने तथा भारी काम गर्दा हड्डी छिटै भाँचिने समस्या पनि आउन सक्छ ।
–३५ वर्षपछि महिलामा मुटुसँग जोडिएका समस्या पनि हुन थाल्छन् । अत्यधिक तारेको तथा भुटेको खाँदा शरीरमा कोलेस्ट्रोलको मात्रा बढ्न थाल्छ जसले हृदयाघातकै खतरा पनि बढ्छ ।
–उमेर बढ्नुका साथै महिलामा फाइब्राइडको समस्या पनि हुन थाल्छ । फाइब्राइडको कारणले महिलामा कयौँ प्रकारका संक्रमणको खतरा हुन्छ । साथमा यसले गर्भाशयमा डल्लो, गाँठो आदि आउने समस्या पनि हुन्छ ।
–उमेर बढ्दै जाँदा महिलामा मिर्गौलामा पत्थरीको खतरा पनि अत्यधिक हुन्छ । पत्थर हुँदा कम्मरमा एकदमै धेरै दुखाई हुने तथा बान्ता आउने जस्तो लक्षण देखिन्छ ।
