काठमाडौं । नेपाली कांग्रेसका सांसद रामहरी खतिवडाले आगामी आर्थिक वर्षको बजेट प्रधानमन्त्रीको आवाजलाई समेत नसुनी पारित भएको बताएका छन् ।
मङ्गलवार प्रतिनिधिसभा बैठकले आगामी आर्थिक वर्ष २०८१/०८२ को बजेट पारित गरेसँगै सञ्चारकर्मीसँग कुरा गर्दै सांसद खतिवडाले यस्तो बताएका हुन् । उनले प्रधानमन्त्रीलाई नै नटेरेको बजेट प्रतिनिधिसभाबाट पारित भएको टिप्पणी गरे।
उनले ३ करोडभन्दा तलको योजना प्रदेश र स्थानीय तहलाई दिनुपर्ने प्रधानमन्त्रीको कुरा मन्त्रीहरुले नै नमानेका कारण प्रधानमन्त्रीको कुरा नसुनिएको बताए । उनले आगामी दिनमा बजेट ल्याउने र पारित गर्ने तरिकामा परिवर्तन गर्नुपर्ने बताए ।
