सरकारले सार्वजनिक ग-यो कतारी अमिरको नेपाल भ्रमण तालिका
काठमाडौं। सरकारले कतारका अमिर शेख तमिम बिन हमाद अल थानीको नेपाल भ्रमणको तालिका सार्वजनिक गरेको छ। परराष्ट्र मन्त्रालयले आज एक विज्ञप्ति जारी गर्दै अमिरको भ्रमण तालिकाको औपचारिक घोषणा गरेको हो। अमिरले वैशाख ११ र १२ गते नेपालको भ्रमण गर्नेछन्।
राष्ट्रपति रामचन्द्र पौडेलको निमन्त्रणामा उनि नेपाल आउन लागेका हुन्। कतारका अमिरले राष्ट्रपति पौडेलसँग शीतल निवासमा भेट गर्ने कार्यक्रम छ। राष्ट्रपति पौडेलले अमिरको सम्मानमा राजकीय भोजको पनि आयोजना गर्नुहुनेछ ।
वैशाख १२ गते प्रधानमन्त्री पुष्पकमल दाहाल ‘प्रचण्ड’सँग द्विपक्षीय वार्ता गर्नुहुनेछ। वार्तापछि दुवै नेता द्विपक्षीय सम्झौता र समझदारीपत्रमा हस्ताक्षर गर्ने कार्यक्रममा सहभागी हुनुहुनेछ। थानी वैशाख १२ गते नै काठमाडौंबाट फर्कने भ्रमण तालिका छ ।
