१३ फाल्गुन २०८०, आइतवार
१३ फाल्गुन २०८०, आइतवार
spot_img

कामनपाका प्रमुख प्रशासकीय अधिकृतमा प्रदीप परियारको पद बहाली गरेका

काठमाडौँ । काठमाडौँ महानगरपालिकाका प्रमुख प्रशासकीय अधिकृत प्रदीप परियारले पद बहाली गरेका छन् । माघ ३ गतेको मन्त्रिपरिषद् बैठकले काठमाडौँ महानगरको प्रमुख प्रशासकीय अधिकृतमा सरुवा गरेका सहसचिव परियारले बुधवारदेखि काम सुरु गरेका हुन् ।

मेयर बालेन साहकै रोजाईमा सहसचिव परियार महानगरको प्रशासनिक कमाण्ड सम्हाल्न पुगेका हुन् । उनी राष्ट्रिय योजना आयोगमा कार्यरत थिए ।

पद बहालीसँगै विभागीय प्रमुखहरूसँगको परिचयात्मक तथा सामूहिक ब्रिफिङका क्रममा प्रमुख प्रशासकीय अधिकृत परियारले कानुन बमोजिमको काम रोक्दै नरोक्ने र कानुन विपरीतको काम गर्दै नगर्ने बताएका छन् । गलत गर्ने र मेहेनत नगर्ने छुट नभएको भन्दै उनले स्थानीय तह जनताको नजिकको सरकार भएकोले जनताको धेरै आशा रहेको बताए ।

सामूहिक प्रयासबाट मात्रै महानगरले सफलता प्राप्त गर्न सक्ने भएकोले त्यसका लागि सबै पक्षबाट सहयोगको अपेक्षा गरेको पनि प्रमुख प्रशासकीय अधिकृत परियारको भनाई थियो ।

यसअघिका प्रमुख प्रशासकीय अधिकृत वसन्त अधिकारी कर्मचारी भर्नामा अनियमितता गरेको आरोपसँगै मेयर साहले कार्यालय प्रवेशमा रोक लगाएसँगै महानगरमा प्रमुख प्रशासकीय अधिकृत पद रिक्त रहेको थियो ।

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
प्रतिक्रिया

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img
spot_img

छुटाउनुभयो कि ?