कैलाली, माघ ८ : नेपाल कम्युनिस्ट पार्टीले लामो समय जेल जीवन बिताई रिहा भएका बन्दीको स्वागत गरेको छ । कैलाली जिल्लामा नेकपाले झुटा मुद्दामा पक्राउ परी जेल जीवन बिताएर रिहा भएका रोहित सी को स्वागत तथा सम्मान गरेको हो ।
सोमबार एक कार्यक्रमका बीच नेपाल कम्युनिस्ट पार्टीका पोलिट ब्युरो सदस्य विकल्प सी,पार्टीका केन्द्रीय सदस्य , प्रतिनिधि सदस्य लगायत अन्य नेताहरुले उनलाई खाँदा-अबिर लगाई स्वागत तथा बधाई प्रकट गरेको नेकपा प्रतिनिधि सदस्य प्रकाश सी बताए ।
नेपाल कम्युनिस्ट पार्टीमाथि प्रतिबन्ध लागेको समय कैलाली जिल्लाबाट २०७६ /४/२ मा पक्राउ परेका रोहितलाई कैलाली जिल्ला कारागारमा राखिएको थियो । कैलाली जिल्ला अदालतले उनलाई सफाई दिए पछि उनी २०८० माघ ३ गते रिहा भएका हुन् ।
