एक किलो सुनसहित विमानस्थलबाट १ महिला पक्राउ

काठमाडौं । त्रिभुवन अन्तराष्ट्रिय विमानस्थलबाट एक किलो सुनसहित एक जना पक्राउ परेका छन् । दुबईबाट आएका श्रृलंकाका महिला कान्ति काभास्करलाई सुनसहित विमानस्थल प्रहरीले शनिबार राति पक्राउ गरेको हो ।

विमानस्थल प्रहरी प्रवक्ता एसपी पदम विष्टका अनुसार ती महिलाले सुन भित्री वस्त्र ब्रा र अन्डरवयरभित्र धुलो बनाएर ल्याएकी थिइन् । उनीमाथि थप अनुसन्धान भइरहेको प्रहरीले जनाएको छ ।