नेपाल-भारत परराष्ट्र मन्त्रीस्तरीय संयुक्त आयोगको सातौँ बैठक काठमाडौँको होटल याक एन्ड यतीमा सुरु भएको छ ।
भारतीय विदेशमन्त्री डा एस जयशङ्कर उक्त बैठकमा सहभागी हुन आजै बिहान नयाँ दिल्लीबाट काठमाडौँ आइपुगेका हुन् ।
बैठकमा नेपालका तर्फबाट परराष्ट्रमन्त्री एनपी साउद र भारतका तर्फबाट विदेशमन्त्री जयशङ्करले बैठकको नेतृत्व गर्नेछन्।
बैठकमा उर्जा, व्यापार, सीमा लगायत द्विपक्षीय सहकार्य र आपसी हितका विविध विषयमा समीक्षा र छलफल हुने छ ।