बझाङमा विद्युत् विस्तारको माग गर्दै ज्ञापनपत्र

सुदूरपश्चिमको बझाङका विभिन्न बस्तीमा अझै राष्ट्रिय प्रसारण लाइन नपुगेको भन्दै जेनजी नेता कमल थापाले सरकारको ध्यानाकर्षण गराएका छन्।

सोमबार ऊर्जा मन्त्रालयमा ज्ञापनपत्र बुझाउँदै उनले पश्चिम सेती जलविद्युत् आयोजना शीघ्र कार्यान्वयन र ठप्प रहेका विद्युतीकरणका काम सुचारु गर्न माग गरेका हुन् ।

अन्धकारमा रहेका स्थानीयको सास्ती औंल्याउँदै थापाले निर्माण व्यवसायीको ढिलासुस्ती अन्त्य गर्न र रोजगारी सिर्जना हुने ठूला आयोजनालाई प्राथमिकता दिन सरकारसँग आग्रह गरेका छन् ।