धादिङ केन्द्रविन्दु भएर ४.२ रेक्टरकाे भूकम्प

काठमाडौँ । आज बिहान ८: २३ बजे धादिङ केन्द्र भएर ४.२ रेक्टर स्केलको भूकम्प गएको छ ।

भूकम्पको केन्द्रविन्दु धादिङको मैदी आसपास रहेको राष्ट्रिय भूकम्प मापन तथा अनुसन्धान केन्द्रले जानकारी दिएको छ । भूकम्पको धक्का धादिङ, नुवाकोट र काठमाडौँमा समेत महसुस गरिएको थियो ।

जिल्ला प्रशासन कार्यालय धादिङले हालसम्म भूकम्पले पुर्याएको क्षतिको विवरण भने प्राप्त नभएको जनाएको छ ।