कारमा आगलागी हुँदा आठ जनाकाे मृत्यु

भारत । भारतको उत्तर प्रदेश राज्यको बरेलीमा शनिवार राति गुडिरहेको कारमा आगलागी हुँदा आठ जनाको मृत्यु भएको छ।
उक्त दुर्घटना बरेलीको नैनीताल राजमार्गमा भएको हो ।

राजमार्गमा गुडिरहेको कार ट्रकसँग ठोक्किएर आगो लागेको बरेलीका एसएसपी सुशील चन्द्रभान धुलेले बताएका हुन ।

विवाह समारोहबाट फर्किरहेको उक्त कार सेन्ट्रल लक भएका कारण त्यहाँ बसेका मानिस बाहिर निस्कन नपाएको भारतीय सञ्चारमाध्यमले जनाएका छन् ।