कैलाली , मंसिर १३: नेपाल कम्युनिस्ट पार्टी ब्युरो समिति सेती र महाकालीको संयुक्त स्कूलिङ आजबाट कैलालीमा सुरु भएको छ । नेकपा स्कुलिङ विभाग इन्चार्ज तथा स्थायी समिति सदस्य भरत सी को प्रमुख आथित्यतामा स्कुलिङको बुधबार उदघाटन गरिएको हो ।
आजबाट सञ्चालन उक्त ब्युरो स्तरीय स्कुलिङ कार्यक्रम १ हप्ता चल्ने जनाइएको छ । स्कुलिङमा नेकपाका सेती र महाकाली ब्युरोका सदस्य तथा जिल्ला सचिवहरु सहभागी रहेको नेकपा कञ्चनपुर जिल्ला सचिव प्रकाश सी ले बताए ।
स्कुलिङको उदघाटन कार्यक्रममा नेकपा पोलिट ब्युरो सदस्य तथा स्कुलिङ विभाग प्रमुख भेषराज सी ,पोलिट ब्युरो सदस्यद्वय विकल्प सी , असल सी , पार्टीका केन्द्रीय सदस्य प्रयास सी र नेकपा सेती तथा महाकाली ब्युरोका इन्चार्ज द्वय भगत सी र समर सी सहित अन्य प्रशिक्षार्थीहरुको सहभागिता रहेको छ ।
स्कुलिङमा दर्शनशास्त्रबारे भरत सी, राजनीतिक अर्थशास्त्रबारे भेषराज सी , भौतिक विज्ञानबारे प्रयास सी र वैज्ञानिक समाजवादबारे भगत सी ले प्रशिक्षण दिने तालिका रहेको छ ।
