काठमाडौं । नेपाल कम्युनिस्ट पार्टीले ‘एमसीसी बिरुद्ध मार्च पास अभियान’ सुरू गरेकाे छ । उक्त अभियान एनसीसीकाे सबस्टेशन निर्माणस्थल काठमाडौंकाे लब्सीफेदीबाट सुरूवात गरिएकाे हाे ।
काठमाडौंकाे गाैशालाबाट भटभटे र्यालीसहित लब्सीफेदी पुगेकाे नेकपाका नेता, कार्यकर्ता र जनताकाे ठूलाे मासले मार्चपास गरेकाे थियाे । मार्चपास गर्दै आएका नेता, कार्यकर्तालाई स्थानीय जनताले भब्य स्वागत गरेका थिए ।
जनसाँस्कृतिक महासंघकाे आयाेजनामा भएकाे मार्चपासमा नेकपा स्थायी समिति सदस्य शिलु सी र शुशिल सीकाे सहभागिता रहेकाे थियाे । मार्चपास पछि आयाेजना गरिएकाे विराेध सभाकाे अध्यक्षता माइला सीले गरेका थिए भने शिलुले सभाकाे प्रमुख अतिथ्यता ग्रहण गरेकी थिइन् ।
मार्चपास अभियानकाे उद्घाटन गर्दै शिलुले लब्सीफेदीका जनताले कुनैपनि हालतमा एमसीसी कार्यान्वयन हुन नदिने बताइन् । जनतासँग पार्टी जाेडिएकाले एमसीसीलाई लब्सीफेदीबाटै विदाई गर्नुपर्ने उनकाे भनाई थियाे । हाम्राे पार्टी विकास विराेधि पार्टी हाेइन्, लब्सीफेदीका जनता पनि विकास विराेधि हाेइनन् । उनले भनिन्, ‘विकासमा नाममा साम्राज्यवादले नेपालकाे सार्वभौमसत्तामाथि हस्ताक्षेप गर्न खाेज्छ भने, नेपाललाई सैन्य अखडा वनाउन खाेज्छ भने त्यसकाे हामी प्रतिकार गर्छाैं ।
कार्यक्रममा शुशिल सीले पनि सम्बाेधन गरेका थिए । माईला सीकाे अध्यक्षता रहेकाे कार्यक्रममा नेकपा केन्द्रीय सदस्य तथा सामना सांस्कृतिक परिवारका आराेहले संचालन गरेका थिए । कार्यक्रममा नेकपा पाेलिटव्युराे सदस्य तथा उपत्यका व्युराे इन्चार्ज कृति सी,केन्द्रीय सदस्यहरू भृकुटी सी,प्रकाश सी, अर्जुन सी, विपिन सी,जीवन्त सी,अखिल सीकाे उपस्थिति रहेकाे थियाे ।
