विराटनगरका दुई सरकारी कार्यालयमा छड्के अनुगमन: प्रमुखसहित ३२ कर्मचारी अनुपस्थित

जिल्ला प्रशासन कार्यालय मोरङले विराटनगरका चार सरकारी कार्यालयमा छड्के अनुगमन गर्दा सडक डिभिजन र संघीय सहरी विकास कार्यालयका ३२ जना कर्मचारी अनुपस्थित भेटिएका छन्।

प्रशासकीय अधिकृत कोवित ढकालको नेतृत्वमा सोमबार गरिएको अनुगमनमा सडक डिभिजन कार्यालयका प्रमुख नारायण निघुरेसहित २३ जना र सहरी विकास कार्यालयका ९ जना कर्मचारी अनुपस्थित पाइएका हुन्।
जनगुनासोपछि गरिएको अनुगमनमा अनुपस्थित भेटिएका कर्मचारीहरूलाई नियमअनुसार कारबाहीको दायरामा ल्याइने सहायक प्रमुख जिल्ला अधिकारी पवनराज कोइरालाले बताएका छन्।