काठमाडौं, २२ श्रावण । संस्कृति पर्यटन तथा नागरिक उड्डयनमन्त्री सुदन किरातीले आफू मन्त्री बन्नको लागि नजन्मेको बताएका छन्।
सोमबार किरात राई यायोक्खा स्थापना दिवसको अवसरमा बोल्दै मन्त्री किरातीले आफू मन्त्री बन्नको लागि नजन्मेको र बा’आमाले पनि मन्त्री बन्नका लागि नजन्माएको बताएका छन्।
उनले भने, ‘मन्त्री त भोलि पनि जान सक्छ, जावोस्। म मन्त्री बन्नको लागि पनि जन्मेको हैन। मलाई बा’आमाले मन्त्री बन्नको लागि जन्माएको पनि होइनन्। मलाई त मन्त्री पदमा टाँसिइ राख्नुपर्ने पनि छैन। राईको छोरा ६ महिना मन्त्री भइहालेँ। मेरो बाबाजे वडाध्यक्ष पनि भएका थिएनन्। त्यसकारण मलाई चिन्ता छैन। तर, एक मिनेट रहुँ, एक घण्टा रहुँ, हाम्रो पुर्खाको शिरलाई निचो पारेर बस्न सक्दिनँ। यही वाचा गर्छु।’
