नेपाल कम्युनिस्ट पार्टी सेती र महाकाली ब्युरोको राजनैतिक तथा वैचारिक प्रशिक्षण कार्यक्रम धनगढीमा सुरु भएको छ । कार्यक्रम बुधबार धनगढीको ओम पार्टी प्यालेसमा नेकपाका महासचिव विप्लब सी को प्रमुख आथित्यतामा सुरु भएको हो ।
नेकपा सेती ब्युरोका इन्चार्ज भगत सीको अध्यक्षतामा सुरु उक्त प्रशिक्षण कार्यक्रममा नेकपा स्थायी समिति सदस्य भरत सी (रणवीर ) , पोलिट ब्युरो सदस्य विकल्प सी लगायत पार्टीका केन्द्रीय सदस्यहरू र सहिद परिवारका सदस्यहरू अथितिका रूपमा सहभागी भएका छन् । पार्टीका दुवै ब्युरोका नेताकार्यकर्ताहरुको बाक्लो सहभागिता समेत रहेको छ । कार्यक्रममा नेकपा अछाम जिल्ला इन्चार्ज मिना सि ले स्वागत मन्तव्य व्यक्त गरेकी हुन् ।
