कैलाली : नेपाल कम्युनिस्ट पार्टी निकट अखिल ( क्रान्तिकारी)कैलालीले एक विद्यालयमा तालाबन्दी गरेको छ । जिल्लाको घोडाघोडी नगरपालिका ४ स्थित श्री सिताकुण्ड माध्यमिक विद्यालय प्रधानध्यापकको कार्यकक्षमा संगठनले बिहीबार तालाबन्दी गरेको हो ।
राजनीतिक भागबन्डा नमिलेर शिक्षक नियुक्त नगरी विद्यार्थीलाई अनावस्यक असहजता ल्याएको अखिल क्रान्तिकारीले बताएको छ । संगठनले विज्ञप्तिमा उल्लेख गर्दै भनेको छ , “विद्यालयले २०७९ असोज १४ गते गणित विसय मा. वि. अनुदान कोटाको विज्ञापन गरेको भयता पनि स्वार्थ केन्द्रीकृत लडाइ तथा भागवण्डा नमिलेको कारण कहिलेसम्म शिक्षक छनोट गरि विद्यार्थीको पठनपाठन सहज गर्ने अहिलेसम्म कुनै अत्तोपत्तो छैन। उल्टो राजनीतिक आडमा विद्यार्थीलाई धम्काउने र विद्यार्थीको भविस्य माथी खेलवाड गर्ने तथा विद्यालयलाई अस्त व्यस्त बनाउने जस्ता निकृष्ट हर्कतको नेतृत्व विद्यालयको प्र.अ. ले नै गरिएको हुदा चेतावनी स्वरुप प्र. अ. को कार्यकक्षमा तालाबन्दी गरेको छौ ।”
आबस्यक शिक्षक नियुक्त गर विद्यार्थीको पठनपाठन सहज र मर्यादित बनाउन संगठनको माग रहेको छ ।
