काठमाडौं । नागरिक उन्मुक्ति पार्टीले सरकारलाई दिएको समर्थन फिर्ता लिएको छ । पार्टीको शनिबार बसेको बैठकले सरकारलाई दिएको समर्थन फिर्ता लिने निर्णय गरेको थियो । नाउपा अध्यक्ष तथा सांसद रञ्जिता श्रेष्ठले सभामुख देवराज घिमिरेलाई भेट गरेर सरकारलाई दिएको समर्थन फिर्ता लिएको जानकारी गराएकी थिइन् । सभामुखको सचिवालयले दिएको जानकारीअनुसार संसद् सचिवालयका महासचिवकहाँ फिर्ताको पत्र दर्ता भइसकेको छ ।
सरकारलाई दिएको समर्थन फिर्तासँगै संस्कृति, पर्यटन तथा नागरिक उड्डयन राज्यमन्त्री अरुणकुमार चौधरी पनि सरकारबाट राजिनामा दिएर बाहिरिने हुने भएका छन् ।
