काठमाडौं । नेपाल कम्युनिस्ट पार्टीको सुर्खेत –काठमाडौं समाजवादी मञ्च द्वारा १५ सदस्यीय कार्यसमिति गठन गरिएको छ । आइतबार काठमाडौंको राष्ट्रिय महिला आयोगको हलमा आयोजित मञ्चको पहिलो भेलाले जङ्ग बहादुर डाङ्गीको अध्यक्षतामा १५ सदस्यीय कार्यसमिति गठन गरिएको हो ।

नेपाल कम्युनिस्ट पार्टीका केन्द्रिय सदस्य एवं श्रमिक समुदाय मोर्चाका अध्यक्ष रामलाल सी को प्रमुख आथित्यता रहेको उक्त कार्यक्रममा,अध्यक्षतामा जीत सी को रहेको थियो ।
भेलामा नेकपा स्थायी कमिटी सदस्य एवं कर्णाली प्रदेश इन्चार्ज सुशील सी,नेकपाका पोलिटब्युरो सदस्य खुमा सी,नेकपा केन्द्रीय सदस्य आरोही सी साथै कलाकार खगेन्द्र बिश्वकर्माको विशेष उपस्थिति रहेको थियो ।
प्रथम भेलाले खगेन्द्र विश्वकर्मालाई सल्लाहकार चयन गरेको छ भने सचिव – टेक बहादुर पाण्डे,सदस्यहरु धिरेन शाही,चक्र सलामी,सन्देश शाही,कुलदीप जंग शाही,अमर बहादुर बुढा ,चन्द्र बहादुर बि.क. सहित ७ सदस्यीय पछि थप्ने गरी १५ सदस्यीय कमिटी निर्माण गरेको छ ।
भेलाको संचालन अखिल समाजवादीका सचिवालय सदस्य तुलराज सीले गरेका थिए भने स्वागत कलाकार खगेन्द्र विश्वकर्माले गीत मार्फत गरेका थिए । उक्त कार्यक्रममा इन्द्रेणी का कलाकार खगेन्द्र बिश्वकर्माको दमदार साँगीतिक प्रस्तुति पनि रहेको थियो ।