काठमाण्डौ,। बुढानीलकण्ठ नगरपालिकाको बार्षिक स्विकृत कार्यक्रमबाट किसानहरुको माग अनुसार ५० प्रतिशत अनुदानमा मिनिटिलर (ट्रायक्टर) वितरण गरिएको छ ।
कृषि शाखाले प्रकाशित गरेको सुचना अनुसार किसानहरुको मागलाई सम्बोधन गर्दै नगरपालिकामा दर्ता भएका १७ वटा कृषक समूह तथा फर्मलाइ मिनिटिलर वितरण गरिएको हाे ।
कृषकहरुलाई पौष ३ गते नगरपालिकाको प्राङ्गणमा ट्राक्टर वितरण गर्दै ट्रायक्टर चलाउने सम्बन्धी अभिमुखिकरण समेत दिईएको थियो । वितरण भएका ट्राटक्टर मध्य ११ वटा पेट्रोल बाट संचालन हुने थिए भने डिजेल बाट संचालन हुने ६ वटा थिए ।
कृषि शाखा प्रमुख लक्ष्मी घर्तिका अनुसार बजार मुल्य ४५ हजार पर्ने पेट्रोलबाट संचालित ट्रायक्टर कृषकहरुलाई ५०% अनुदानमा जम्मा २२ हजार ५ सय परेको छ । यस्तै बजार मुल्य ६५ हजार पर्ने डिजेलबाट संचालित ट्रयाक्टर कृषकहरुले ३२ हजार ५ सय मा पाएका हुन् ।
