बैतडी । जिल्लाको सुर्नया गाउँपालिकामा एक महिलाको हत्या गरिएको छ । सुर्नया ०३ बिजुलमा सोही ठाउका तेजबहादुर चन्दले सोही ठाउँकी हरिना बिष्टको हत्या गरेका छन् ।
अन्ताजी ३२ बर्षीया तेज बहादुर चन्दले हरिना बिष्टको घरमै गएर हसिया,सब्बल लगायतका धारिला हतियार प्रयोग गरेर क्षतविक्षत गरि विभत्स हत्या गरि बिष्टकै ढोकामा शब छोडेका छन्।चन्द अहिले फरार रहेका छन् ।
मानसिक सन्तुलन ठिक नभएको भनिएका चन्दले घरमा कोही नभएको मौका छोपेर बिष्टको हत्या गरे संगै गोठका २ वटा बाख्रा पनि मारेको स्थानीय बिषाल भट्टले जानकारी दिए ।
अहिले घटनास्थलमा प्रहरी खटि रहेको जिल्ला प्रहरी कार्यालय बैतडीले बताएको छ । घटनाको थप विवरण आउन बाकी छ ।
