काठमाण्डाै । पश्चिमी वायुको प्रभावका कारण मौसम आंशिक देखि सामान्य बदली भएको छ ।
आज पनि केही ठाउँमा वर्षाको सम्भावना रहेको मौसम विद्ले बताएका छन् । मौसमविद् राजु प्रधानाङ्गका अनुसार पश्चिमी क्षेत्रका धेरै ठाउँमा आज पनि पानी पर्ने छ ।
पश्चिमी क्षेत्रमा हिजो र अस्ति रातिको असिना पानीले बालीनालीमा नोक्सानी पुर्याएको छ । पश्चिमी न्यून चापीय प्रणाली कमजोर बनेकाले भोलिदेखि मौसम खुल्दै जाने मौसम विद्ले बताएका छन् ।
यस्तै,मध्य र पूर्वी पहाडी क्षेत्रका केही ठाउँमा पनि वर्षाको सम्भावना रहेको उहाँले बताउनुभयो । काठमाण्डौ उपत्यकामा पनि आज पानी पर्ने मौसमविद् प्रधानाङ्गले बताउनु भयाे। गएराति पनि उपत्यकामा पानी परेको थियो ।
