काठमाडौं, २६ भदौ । हत्याको आरोपमा ७२ वर्षीय एक वृद्ध पक्राउ परेका छन् । मकवानपुर जिल्ला हेटौंडा उपमहानगरपालिका स्थायी घर भई काठमाडौं महानगरपालिका–८ गौशाला ओरालो वनकालीस्थित मानव सेवा कल्याण आश्रममा बस्ने ७२ वर्षीय जगतबहादुर तामाङ हत्या अभियोगमा पक्राउ परेका छन् ।
मकवानपुर भिमफेदी गाउँपालिका– ४ स्थायी घर भई सोही आश्रममा बस्ने ५० वर्षीय अमर राज पुडासैनीको हत्या अभियोगमा उनलाई प्रहरीले हिजो (सोमबार) साँझ पक्राउ गरेको हो ।
जगत बहादुरले पुडासैनीलाई इँटा प्रहार गरी हत्या गरेको भन्ने खबर हुनासाथ प्रहरी वृत्त गौशालबाट खटिएको प्रहरीले उनलाई नियन्त्रणमा लिएको थियो । घटनाका सम्बन्धमा आवश्यक अनुसन्धान भइरहेको प्रहरीले जनाएको छ ।
