काठमाडौं। संघीय संसद्अन्तर्गत राष्ट्रिय सभाको बैठकमा (आज) प्रधानमन्त्री पुष्पकमल दाहाल प्रचण्डले सम्बोधन गर्ने भएका छन्।
सवा ११ बजे सुरु हुने बैठकमा प्रधानमन्त्री प्रचण्डले हालै गरेको भारत भ्रमणबारे जानकारी गराउने र उठेका प्रश्नको जवाफ दिने सम्भावित कार्यसूची रहेको छ । राष्ट्रिय सभामा आजबाट आर्थिक वर्ष २०८०÷०८१ को बजेटमाथि छलफल सुरु हुने जनाइएको छ ।
राष्ट्रिय सभा अध्यक्षले राष्ट्रपतिको कार्यालयबाट प्राप्त मन्त्रिपरिषद् सदस्यको कार्यभार तोकिएको सम्बन्धी पत्रको बेहोरा जानकारी गराउने र अर्थमन्त्री डा.प्रकाशशरण महतले आगामी आर्थिक वर्षको राजस्व र व्ययको वार्षिक अनुमानमाथि सामान्य छलफल गरियोस् भन्ने प्रस्ताव पेस गर्ने सम्भावित कार्यसूची छ,’संसद् सचिवालयले भनेको छ।
प्रधानमन्त्री प्रचण्डले मंगलबार राष्ट्रिय सभामा उपस्थित भएर सम्बोधन गर्ने कार्यसूची रहेको भए पनि खप्तड मेला हेर्न पुगेपछि स्थगित भएको थियो।
