अत्तरिया । अत्तरिया, कैलाली “समृद्ध सुदूरपश्चिम हाम्रै पालामा” भन्ने मूल नाराका साथ सुदूरपश्चिम प्रदेशको समग्र विकास र समृद्धिका लागि उम्मेदवारहरूको साझा नीतिगत प्रतिबद्धता सार्वजनिक गरिने भएको छ। समृद्ध सुदूरपश्चिम अभियान र नेपाल चेम्बर अफ कमर्स, सुदूरपश्चिम प्रदेशको संयुक्त आयोजनामा आगामी माघ १८ गते एक विशेष पत्रकार सम्मेलनको आयोजना गर्न लागिएको हो।
उम्मेदवारहरूले केवल चुनावी घोषणापत्र मात्र तयार पार्ने तर कार्यान्वयनमा ध्यान नदिने परिपाटीलाई चिर्न “घोषणा होइन, कार्यान्वयनको प्रतिबद्धता” भन्ने अठोटका साथ यो कार्यक्रम तय गरिएको आयोजकले जनाएका छन्।
