काठमाण्डौ । घुस लिएको आरोपमा नेपाल बैंक लिमिटेडका तत्कालीन सञ्चालक समितिका अध्यक्ष डा. चन्द्रबहादुर अधिकारीसहित पाँच जनाविरुद्ध अख्तियारले विशेष अदालतमा मुद्दा दायर गरेको छ।
डा. अधिकारीले रुपन्देहीको भुसाल हस्पिटालिटीको १ अर्ब ७७ करोडको ऋण प्रक्रियामा १९ लाख, तनहुँको अकला देवी ट्रेडर्ससँग ५० लाख माग गरेको, र काठमाण्डौको हिमाल तराई कन्स्ट्रक्सन प्रालिबाट ५ लाख घुस लिएको पाइएको अख्तियारले जनाएको छ।
घुस प्रकरणमा नसिब अन्सारी, अमृत, अङ्कित र बालकृष्ण भुसाल, नारायणप्रसाद बराल, दानबहादुर कार्की, सुन्दरबहादुर बानियाँ, सन्तोष सुवेदी, र रमेश आचार्यसमेत मुछिएका छन्।
तीन छुट्टाछुट्टै मुद्दामार्फत आयोगले करोडौंको बिगो माग दाबी गरेको छ।
