कञ्चनपुर, १३ चैत्र : २७ चैत्रमा सुदूरपश्चिम विश्वविद्यालय केन्द्रीय क्याम्पसमा हुने स्वतन्त्र विद्यार्थी युनियन(स्ववियु) निर्वाचनका लागि अखिल क्रान्तिकारीले सभापतिका उम्मेदवार टुङग्याएको छ । नेकपा माओवादी केन्द्र निकट अखिल क्रान्तिकारीले सभापतिका उम्मेदवार घोषणा गरेको हो ।
अखिल क्रान्तिकारी कञ्चनपुरका अध्यक्ष दल बहादुर धामी(अग्नी)ले क्रान्तिकारी नेता हेमराज अवस्थीलाई सभापतिको उम्मेदवार बनाउने गरेर घोषणा गरिएको बताए । ‘अहिले हामीले सभापतिको उम्मेदवारको टुङगो लगाएका छौँ, ‘उनले भने, ‘केही दिनमै बाँकी पदाधिकारी सदस्य पनि टुङगो लगाउँछौँ ।’
संगठन दर्ता, सभापतिको उम्मेदबार टुङगो लगाएसंगै क्रान्तिकारी चुनावी तयारीमा जुटेको अखिल क्रान्तिकारी केन्द्रीय सदस्य डम्बर कुँवरले बताए । सभापतिका उम्मेदवार टुङगो लगाएको अखिल क्रान्तिकारीका नेता हेमराज अवस्थीलाई नेकपा माओवादी केन्द्र कञ्चनपुरका इन्चार्ज टेकेन्द्र प्रशाद भट्ट सहित माओवादी एव अखिल क्रान्तिकारीका नेता कार्यकर्ताहरुले बधाई तथा अग्रीम शुभकामना दिएका छन । अवस्थी सुपवि केन्द्रीय क्याम्पस स्नाकोत्तर तहमा अध्ययनरथ छन । सुपवि स्थापनाको १४बर्ष अर्थात पहिलो पटक स्ववियु निर्वाचनमा १० विद्यार्थी संघ संगठन होमिएका छन ।
