चितवन । विप्लव नेतृत्वको नेपाल कम्युनिष्ट पार्टी निकट मजदुर संगठनकाे नाम समाजवादी ट्रेड युनियन महासंघ, नेपाल हुने भएकाे छ । क्रान्तिकारी ट्रेड युनियन महासंघको रहेको संगठनको उक्त नाम महासंघकाे चितवनमा जारी ८ औं राष्ट्रिय सम्मेलनद्धारा परिवर्तन गरिएको हो ।
बुधबार महासंघका अध्यक्ष श्याम सीले बन्दसत्रमा नाम फेर्ने प्रस्ताव पेस गरेका थिए ।
उक्त प्रस्तावलाई हलले सर्वसम्मत रूपमा पारित गरेकाे थियाे । नेकपाले सबै जनवर्गीय संगठन र माेर्चाका नामहरूमा समाजवाद थप्ने निर्णय अनुसार नाम फरिएकाे हाे । यसअघि विद्यार्थीकाे नाम पनि फेरिएर अखिल समाजवादी बनाईएकाे थियाे ।
