काठमाडौं । काभ्रेको धुलिखेलमा एक घरमा आगलागी भएको छ । मंगलबार बिहान पौने ४ बजे धुलिखेल नगरपालिका–११ बाँनियाछाप बस्ने बलराम धितालको तीन तले घरमा आगलागी भएको हो ।
ढुंगा–माटोले बनेको घरमा कसरी आगलागी भएको खुलेको छैन । प्रहरीका अनुसार उक्त घरमा मानिस बस्दैनन् । आगलागी बिहान पौने ७ बजे धुलिखेल नगरपालिकाको दमकल र स्थानीयको सहयोगमा नियन्त्रणमा लिइएको प्रहरीले जनाएको छ ।
पिठो पिस्ने मेसिन, हाते ट्याक्टर, भुस काट्ने मेसिन, ७० मुरी मकै, ३ मुरी गहुँ, दुई मुरी धान, एक मुरी जैँ घाँस, खाद्यान्न, भाडाकुँडा, पराल र गाइगोठ गरी जम्मा ९ लाख बराबरको क्षति भएको प्रहरीले जनाएको छ । यस सम्बन्धी थप अनुसन्धान अघि बढाएको प्रहरीले जनाएको छ ।
