४ असार २०८१, मङ्लबार
४ असार २०८१, मङ्लबार

सडक खुलेपछि सामान ढुवानी सहज

ढोरपाटन (बागलुङ), २ कात्तिक । निसीखोला गाउँपालिकाको विभिन्न स्थानमा अवरुद्ध भएका ग्रामीण सडक सञ्चालनमा आएसँगै सामान ढुवानी गर्न सहज भएको छ । वर्षाका कारण अवरुद्ध भएका सडक निसीखोला गाउँपालिकाले यही साता सञ्चालनमा ल्याएको हो ।

असोज पहिलो साता नै सडक खुलाउने प्रयास गरे पनि निरन्तरको वर्षाका कारण काम हुन नसकेको गाउँपालिकाका सूचना अधिकारी पुरुषोत्तम गौतमले बताए । यस वर्ष ढिलासम्म वर्षा भइरहेकाले अवरुद्ध सडक खुलाउन ढिलाइ भएको उनको भनाइ थियो ।

ढिलै भए पनि सडक सञ्चालनमा आएपछि स्थानीयलाई सामान ढ्वानी गर्न सहज भएको छ । करिब चार महिनादेखि सडक अवरुद्ध भएर सामान ढुवानी गर्न नपाएका स्थानीय यतिबेला चटारोमा छन् । नजिकिएको चाडपर्व र महिनौँसम्म किनमेल गर्न नपाएका उनीहरुलाई सामान ओसारपसार गर्न भ्याइनभ्याइ छ । कतै खोलाका कारण त कतै पहिरोले सडक बगाउँदा यातायातका साधन ठप्प थिए भने पैदल यात्रा गर्न पनि समस्या थियो ।

निसीखोलाको प्रमुख व्यापारिक केन्द्र बुर्तिबाङ बजार हो । बजारदेखि राजकुट, देविस्थान, जुग्गाखोलालगायत निसी र भल्कोट हुँदै रोल्पा र पूर्वी रुकुममा साधान पुग्ने गर्छन् । राष्ट्रिय गौरवको आयोजना मध्यपहाडी लोकमार्गमा झरेको पहिरो तत्तकाल हटाएर यातायात सञ्चालन गरे पनि ग्रामीण सडक ठप्प थिए ।

अहिले सडक सञ्चालनमा आएपछि चाडबाडका लागि चाहिने सामान ल्याउन र टाढाटाढाबाट गाउँ आउनेलाई सहज भएको निसीखोला गाउँपालिका–२ का केशव क्षेत्रीले बताए । असारदेखि असोज दोस्रो सातासम्म गाउँमा गाडी नै चल्न नसकेको उनको भनाइ थियो । उनले चार दिनदेखि निरन्तर गाडी चल्न थालेको भन्दै लामो समयपछि पसलमा सामान ढुवानी गर्न पाएको सुनाए ।

“गाउँमा साना–साना किराना पसल छन् । बर्खाले गर्दा बजारबाट सामान ल्याउन सकिएको थिएन । केही दिन भयो बाटो खुलेर गाडी चलेका छन्”, क्षेत्रीले भने, “अहिले बल्ल सबै सामान ल्याउन थालेको छु । कच्चीबाटो बर्खा सुरु हुँदाबित्तिकै बन्द हुन्छ । खुल्नलाई हिउँद लाग्नुपर्छ ।”

निसीखोलाका अधिकांश गाउँ लोकमार्गसँग जोडिएका छन् । स्थानीय पुनम घर्तीमगरले गाउँको सडक निकै साँघुरो र अप्ठ्यारो रहेको भन्दै हिउँदमा जसोतसो गाडी चले पनि बर्खामा ठप्प हुने गरेको बताइन् । सडकले गाउँमा नजोडिँदा हिँडेरै बजार पुग्ने र सामान बोकेरै ल्याउने गरेको सुनाउँदै उनले सडक आएर पनि अहिले खोलामा पुल नबन्दा, पहिरोले सडक बगाउँदा पहिलेको जस्तै हिँड्नुपर्ने अवस्था आएको उनको भनाइ थियो ।

“नुन, चामललगायत दैनिक उपभोग्य सामान ल्याउनुपरे घोडा खच्चडको प्रयोग गरेको भन्दै गाउँ सडकले जोडिएपछि घोडाखच्चड विस्थापित हुँदा मान्छेले नै बोक्नु परेको छ”, मगरले भनिन्, “दसैँ आएपछि मात्रै गाउँपालिकाले सडक खुलाएको छ । अब सामान ल्याउन सहज हुने भएको छ ।”

गाउँपालिकाका सूचना अधिकारी गौतमले वर्षा रोकिएर खोलामा पानीको बहाव केही कम भएपछि पालिकाका सातवटै वडाका सडक खुलाइएको जानकारी दिए । उनका अनुसार नीति तथा कार्यक्रममै प्रत्येक वडामा बर्खाले बिगारेको सडक मर्मतसम्भार भनेर बजेट विनियोजन गरेको थियो । पानीले भत्काएको खाल्डाखुल्डी पुर्ने र पुरिएको सडकको पहिरो पन्छाउने काम गरेको गौतमले बताए । रासस

यो खबर पढेर तपाईलाई कस्तो महसुस भयो ?
  • खुसी (0%)
  • दुःखी (0%)
  • अचम्मित (0%)
  • हाँस्यास्पद (0%)
  • आक्रोशित (0%)
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
spot_img
प्रतिक्रिया

Array

युग प्रेस डटकम

युग प्रेस डटकममा प्रकाशित सामग्रीबारे कुनै गुनासो, सूचना तथा सुझाव भए हामीलाई yugpress9123@gmail.com मा पठाउन वा ९८४८८६७८३३ फोन गर्न सक्नुहुनेछ ।

सम्बन्धित खबर

सामाजिक संजाल

लाेकप्रिय

भर्खरै

spot_img
spot_img

छुटाउनुभयो कि ?