काठमाडौं । संयुक्त राष्ट्रसंघका महासचिव एन्टोनियो गुटरेस यही कात्तिक पहिलो साता नेपाल आउने भएका छन् । यसअघि महासचिव गुटरेस कात्तिक १२ गते काठमाडौं आउने भएका हुन् ।
परराष्ट्र मन्त्रालयका अनुसार महासचिव गुटरेस कात्तिक १२ गते बिहान नेपाल आइपुग्नेछन् । यसअघि असोज २६ गते आउने कार्यक्रम तय भएपनि हमास र इजरायलबीच युद्ध सुरु भएपछि उनले नेपाल भ्रमण स्थगन गरेका थिए ।
महासचिव गुटरेशस प्रधानमन्त्री पुष्पकमल दाहाल ‘प्रचण्ड’को निमन्त्रणमा नेपाल आउने भएका हुन् । प्रधानमन्त्री प्रचण्ड संयुक्त राष्ट्रसंघको ७८औँ महासभामा भाग लिन अमेरिकाको न्युयोर्क पुगेका बेला महासचिव गुटेरसलाई नेपाल भ्रमणको निम्तो दिएका थिए ।
