कञ्चनपुर , असोज २८ : कञ्चनपुरमा श्री सूर्योदय बहुउद्देश्यीय सहकारी संस्थाले सुपथ मूल्य पसल सञ्चालनमा ल्याएको छ । आईतबार जिल्लाको भीमदत्त १८ मा मल खाद्य तथा बीउ विजन बिक्री वितरण गर्ने उद्देश्य सहित सुपथ मूल्य पसल सञ्चालन गरेको हो ।
भिडियो :
जिल्ला समन्वय समिति कञ्चनपुरका प्रमुख दुर्गा दत्त बोहोराले सो पसलको उदघाटन गरेका थिए । प्रमुख बोहोराले सहकारीले कम मूल्यमै गुणस्तरीय बीउ विजन उपलब्ध गराउने भए पछि त्यसबाट जनताले लाभ लिन सक्ने विश्वास व्यक्त गरे । सहकारीले सुपथ मूल्यमूल्यमा समान उपलब्ध गराउने कार्यलाई कुनै समय विशेष नभएर निरन्तर सञ्चालन गर्नुपर्ने तर्फ जोड दिए ।
सहकारीका अध्यक्ष इश्वरी प्रसाद खरेलले आफ्नो संस्थाको साधारण सभाले गरेको निर्णय बमोजिम सुपथ मूल्य पसल सञ्चालनमा ल्याएको बताए । कृषकलाई कम मुल्यमा गुणस्तरिय समान उपलब्ध गराउने र उत्पादन लाई बढवा दिने मुख्य उदेश्यका साथ सुपथ मूल्य पसल खोलिएको हो , खरेलले भने । उनले बजारको सामान्य मूल्य भन्दा सुपथ पसलमा सस्तो हुने बताए । उनले भने ,“हामीले प्रिन्ट मूल्य राख्दैनौं खरिद मूल्यमा नाफा नखाई समान बिक्री गर्छौ ।”
आज बाट सञ्चलानमा आएको उक्त पसल आगामी दिनमा निरन्तर चल्ने जनाएको छ । मौसम अनुसार लगाइने बालीनालीहरुको बीउ बिजन उपलब्ध हुने पनि सहकारीले जानकारी दिएको छ ।
