काठमाडौँ । नेपाल कम्युनिस्ट पार्टीका महासचिव विप्लव सी लाई बझाङमा भब्य स्वागत गरिएको छ। भुकम्प पीडितलाई पार्टीको तर्फबाट राहत वितरण गर्न बझाङको यात्रामा लागेका महासचिव विप्लव सीलाई ठाउँ ठाउँमा स्थानीय जनता , बिभिन्न पार्टीका नेता कार्यकर्ता बिभिन्न क्याम्पसका प्रमुख र बिद्यालयका प्रधानाधापक तथा शिक्षकहरुले भब्य स्वागत गरेका थिए ।
महासचिव विप्लव सी शुक्रबार नेकपाको केन्द्रीय कार्यालय कपिलवस्तुबाट बझाङको यात्रामा लागेका हुन् । उनले गत साता बझाङमा गएको भुकम्पवाट पीडित भएका घरपरिवारहरुलाई राहत वितरण गर्ने र इजरायलमा हमासको कार्वाहीमा परी ज्यान गुमाएका बझाङका एक विद्यार्थीको घरमा समेत भेटघाट गरी सान्तत्वना दिने कार्यक्रम रहेको छ । बझाङको राहत वितरण तथा भेटघाट कार्यक्रमपछि नेकपा महासचिव विप्लव सी समाजवादी मोर्चा नेपालले असोज २९ गते सुदूरपश्चिम प्रदेशको धनगढीमा आयोजना गरेको सन्देशसभालाई सम्वोधन गर्ने कार्यक्रम रहेको बताइएको छ ।