अत्तरिया । अत्तरिया क्रिकेट क्लबको आयोजनामा भइरहेको विद्यालय स्तरिय क्रिकेट प्रतियोगीताको भोलि सेमी फाइनल खेल खेलिने भएको छ । असोज १७ देखि सुरु भएको लोटस आई किर्केट कपको अन्तर स्कूल टी ट्वान्टी क्रिकेट टुर्नामेन्ट २०८० को लागि २ खेल सेमी फाइनलका लागि छनोट भएका छन् ।
पहिलो सेमी फाइनलमा सैनिक आवासीय स्कूल र दुर्गा लक्ष्मी स्कूल भिड्ने छन् । भने दोस्रो सेमी फाइनलका लागि ज्योति स्कूल र कञ्चनजंगा स्कूल भिड्ने आयोजकले बताएको छ । असोज १७ देखि सुरु भएको यो खेल असोज २६ गते सम्म चल्ने बताइएको छ ।
आयोजकका अनुसार प्रतियोगीताको उत्कृष्ट खेलाडीलाई नगद रु. १० हजार सहित ट्रफि, मेडल र प्रमाणपत्र तथा उत्कृष्ट ब्याट्सम्यान र बलरलाई नगद रु. ५÷५ हजार सहित ट्रफि, मेडल र प्रमाणपत्र प्रदान गरिने भएको छ । यसैगरी प्रतियोगीतामा उदयीमान खेलाडीलाई पनि आर्कषक पुरस्कारको व्यवस्था रहेको छ ।
