बझाङ्ग : भुकम्पले गरेको क्षतीलाई मध्यनजर गर्दै नेपाल कम्युनिष्ट पार्टी निकट विद्यार्थी संगठन अखिल क्रान्तिकारीका नेताहरूले जिल्ला अस्पताल सिमखेतमा रक्तदान गरेका हुन् ।
आवश्यकताअनुसार बिरामी ,घाइते तथा अपाङ्गलाई रगत दिन सहजता होस् भन्ने हेतुले सनिबार अखिल क्रान्तिकारीका ३ जना नेताले रक्तदान गरेका बताइएको छ ।
अखिल क्रान्तिकारी विद्यार्थी संगठनका इन्चार्ज तथा बझाङ्गद्विप क्याम्पस स्वबियु सभापती कमल सी अखिल क्रान्तिकारिका जिल्ला संयोजक सचिन सी र सुनकुडा नमुना क्याम्पसका कोषाध्यक्ष तथा अखिल क्रान्तिकारी ख जिल्ला संयोजक भानू सीले रक्तदान बताइएको हो ।
उक्त रक्तदान कार्यक्रममा पार्टी जिल्ला इन्चार्ज भरत सी , नेपाल कम्युनिष्ट पार्टी क्रान्तिकारी जिल्ला सेक्रेटरि प्रबिन सी , विद्यार्थी जिल्ला कमिटि सदस्य कल्पना सी , बझाङ जिल्ला (ख) का युवा संयोजक आकास सीको उपस्थिती रहेको थियो । उक्त रक्तदान कार्यक्रम पश्चात् डाक्टरले जोखिम समयमा रक्तदान गर्नु भएको भन्दै धन्यवाद व्यक्त गरेका थिए । – पाथीभरा टुडे
