रोल्पा । समाजवादी मोर्चा नेपाल अन्तर्गत रोल्पा जिल्लाले आगामी कात्तिक १५ गतेसम्म गाउँ तहसम्म मोर्चाको संरचना विस्तार गर्ने निर्णय गरेको छ ।
माओवादी केन्द्र ,नेपाल कम्युनिस्ट पार्टी र एकीकृत समाजवादी सम्मीलित मोर्चा सम्बद्ध दलहरुको सदरमुकाम लिवाङमा भएको प्रथम बैठकले यस्तो निर्णय गरेको नेपाल कम्युनिस्ट पार्टी केन्द्रिय सदस्य आक्रोश सी ले जानकारी दिएका छन।
बैठकले नेकपा माओवादी केन्द्रका अध्यक्ष पुर्ण के सी को अध्यक्षतामा जिल्ला स्तरीय समिति गठन गर्ने, मङ्सिर पहिलो हप्तासम्म जिल्लामा सन्देश सभा गर्ने र विद्यमान व्यवस्थाको विकल्पको रूपमा अगाडि सारिएको समाजवादी व्यवस्थाबारे जनस्तरसम्म बिमर्श गर्ने निर्णय समेत गरेको केन्द्रिय सदस्य आक्रोशले बताए।
आइतबार भएको बैठकमा नेकपा माओवादी केन्द्रकी नेतृ सीता आचार्य ,एकीकृत समाजवादीका टङ्क बुढा , नेकपा नेताहरू मणिराज सी र सञ्जीव सी को समेत सहभागिता रहेको थियो भने मोर्चाको बिधान बमोजिम प्रत्येक ४/४ महिनामा नेतृत्व हेरफेर गर्ने व्यवस्था रहेको छ।
