महेन्द्रनगर : कञ्चनपुर जिल्ला प्रहरीले एक व्यापारीको गोदामबाट ठुलो मात्रामा प्रतिबन्धित प्लाष्टिकजन्य सामान बरामद छ । गएको शुक्रबार प्रहरीले भिमदत्त नगरपालिका वडा न.१८ बस्ने सुशिल गुप्ताले संचालनमा ल्याएको हिमांशु प्लाष्टिक स्टोरको गोदाममा शंका लागी चेकजाँच गर्ने क्रममा गोदाम र पसलबाट नेपाल सरकारले प्रतिबन्ध गरेका भन्सार छली गरी ल्याई राखिएका समान बरामद गरेको हो ।
करिब अ.मुल्य रु ११,००,००० ।- ( एघार लाख ) बराबरका प्लाष्टिकजन्य सामानहरु फेला पारेको जिल्ला प्रहरी कार्यालय कञ्चनपुरले जनाएको छ । प्रतिबन्धित प्लाष्टिकजन्य सामान आवश्यक कानूनी कारवाहीको लागि पहल भई रहेको पनि प्रहरीको भनाइ छ ।
