बस दुर्घटना हुँदा १४ यात्रु घाइते

दाङ । पोखराबाट सुर्खेत जाँदै गरेको यात्रुबाहक बस दुर्घटना हुँदा १४ जना घाइते भएका छन् ।

ग १ ख ८४८५ नम्बरको बस आज (सोमबार) बिहान लमही नगरपालिका-४ वनगाउँमा पल्टिँदा चालकसहित १४ यात्रु घाइते भएका जिल्ला प्रहरीले जानकारी दिएको छ ।

बस अनियन्त्रित भइ सडकदेखि १० मिटर तल खसेको जिल्ला प्रहरी प्रवक्ता डीएसपी जनकबहादुर मल्लले जनाए । घाइतेहरुको लमही अस्पतालमा उपचार भइरहेको छ ।