असोज १३ कञ्चनपुर । कञ्चनपुरको दोधारा चाँदनी नगरपालिका वडा नम्बर–८ धामी टोल स्थायी घर भएकी युबतीले प्रमेीको मृत्युको खबर पछि आत्म हत्या गरेकी छिन । भीमदत्त नगरपालिका वडा नम्बर–४ मा कोठा भाडामा बस्दै आएकी १८ वर्षीया हेमा खड्काले प्रमीको मृत्युको केही समय पछि आत्म हत्या गरेकी हुन ।
समाजिक संजाल फेसबुकमा एक युवकसँगको तस्बिर राख्दै रोकेर बस्नु है म पनि आउँछु लेखेको उनले स्ट्याटसले उनले आत्म हत्या गरेको बुझीएको छ । कलिलै उमेरमा उनले प्रेमकै कारण मृत्यु राजेको घटनाले प्रेमको अन्धोपन उजागर गरिदिएको छ । प्रहरीका अनुसार शव फेला पर्नुभन्दा केही समय अघि उनले सामाजक सञ्जालमा रोकेर बस्नु है म पनि आउँछ लेखेकी हुन ।
प्रेम कति अन्धो हुन्छ, भनेर यो घटनाले पुष्टि गरेको छ । बिहीबार विषादीजन्य पदार्थ (सल्फास) सेवन गरेर अस्पताल भर्ना भएका १८ वर्षीय किशोर खगेन्द्र जाग्रीको मृत्यु भए पछि उनले आत्म हत्या गरेको हुन सक्ने बताईएको छ । प्रहरीका अनुसार शुक्रबार बिहान जाग्रीको महाकाली अस्पतालमा उपचारकै क्रममा मृत्यु भएको थियो । कञ्चनपुरको वेदकोट नगरपालिका स्थायी घर भएका जाग्रीले मृत्युको २ दिन अघि विषादी सेवन गरेको बताइएको छ । जाग्रीको मृत्युुलगत्तै हेमाले आत्म हत्या गरेकी छिन ।
भीमदत्त नगरपालिकामा प्रेमी खगेन्द्र र प्रेमिका हेमाले एकैदीन संसार छोडेका छन । हेमा भीमदत्त नगरपालिका वडा नम्बर –४ मा आफू बस्ने कोठामै झुन्डिएको अवस्थामा मृत अबश्थनामा भेएिकी हुन भने खगेन्द्रका अस्पतालमा मृत्यु भएको हो । जिल्ला प्रहरी कार्यालय कञ्चनपुरका अनुसार हेमा कोठा भाडामा लिएर महेन्द्रनगर भगतपुरको बन्देबी टोलमा बस्दै आएकी थिइन् । आफ्ना प्रेमी जाग्रीको मृत्युको खबर पाए पछि हेमाले प्राण त्याग्नु अघि समाजिक संजाल फेसबुकमा आफ्नो र प्रेमी युवकको तस्बिर राख्दै रोकेर बस्नु है म पनि आउँछु लेखेकी थिइन् । प्रहरी अनुसन्धानबाट उनीहरुको सोसल मिडियाबाट लभ परेको र उनीहरु फरक फरक स्कुलमा पढ्ने भए पनि महेन्द्रनगरमै पढ्ने गरेको खुलेको छ ।
प्रहरीले घटनाबारे थप अनुसन्धान गरिरहेको जानकारी गराएको छ । पछिल्लो समय सोसल मिडियाबाट ब्लाइन्ड लभ पर्ने र कहिले धोकाधडी त कहिले प्रेमकै नाममा ज्यान गुमाउनेहरु बढिरहेको प्रहरीको तथ्यांकले देखाएको छ । पछिल्लो समय मोबाइलको दुरुपयोग र परिवारबाट अलग्गै बस्ने किशोर किशोरीहरु डिप्रेसन र आत्महत्याको सिकार बन्दै गएका छन ।
