कञ्चनपुरबाट दुई किशोरीको उद्धार

काठमाडौँ । कञ्चनपुरको बेलौरी नगरपालिकाबाट दुई किशोरीको उद्धार गरिएको छ । भारतीय बजार कम्बोजनगर हुँदै भारत पस्न तयार भएका दुई किशोरीको बेलौरी-१० स्थित भुडा चौकीबाट खटिएको प्रहरी टोलीले उद्धार गरेको हो ।

उनीहरूमध्ये एक जनाको उमेर १४ र अर्कीको उमेर १३ वर्ष रहेको बताइएको छ । शंकाको आधारमा प्रहरीले सोधपुछ गर्दा दुवैले भारत हुँदै कोरिया जान लागेको बताएका थिए । कसैबाट ठगिएको अथवा झुक्काइएको हुनसक्ने भन्दै प्रहरीले दुवै जनालाई उद्धार गरी आफन्तको जिम्मा लगाएको छ ।