काठमाडौँ । केही समयअघि नागरिक उन्मुक्ति पार्टी परित्याग गरेर फेरि सक्रिय राजनीतिमा देखिन लागेकी अभिनेत्री एलिजा गौतम इलाम–२ बाट उपनिर्वाचनमा उम्मेदवार हुने भएकी छन् ।
एक चर्चित नायिका तथा मोडल एलिजा थुप्रै म्युजिक भिडियोमा र फिल्ममा पनि काम गरिसकेकी छन् । उनले भनेकी छन् ‘म इलाम–२ बाट उपनिर्वाचनमा उम्मेदवार बन्ने निश्चित भएको छ । कुन पार्टीबाट उठ्ने निश्चित भएको छैन । कुराकानी धेरैसँग भएको छ । म राम्रै पार्टीबाट उम्मेदवार बन्नेछु’ ।
सुवासचन्द्र नेम्वाङको भदौ २६ गते निधन भएपछि उक्त क्षेत्र रिक्त रहेको हुँदा , इलाम–२ सहित संघ, प्रदेश र स्थानीय तहमा आगामी वैशाखमा उपनिर्वाचन गर्ने तयारी निर्वाचन आयोगको छ ।
