सरकार र शिक्षकबीच ७ बुँदे सहमति

काठमाडौ । आन्दोलनरत शिक्षक र सरकारबीच ७ बुँदे सहमति गरिएको छ । शुक्रबार शिक्षक र सरकार बीच गृहमन्त्रालयमा भएको वार्तापछि आन्दोलनका सम्पूर्ण कार्यक्रम फिर्ता लिने सहमति भएको थियो ।

वार्तामा बसेका दुवै पक्षबीच सहमति भएको सरकारका प्रवक्ता सञ्चार तथा सूचना प्रविधिमन्त्री रेखा शर्माले जानकारी दिइन् । सहमतिका बुँदाहरू केहीबेरमा सार्वजनिक गरिनेछन् ।

सरकारले संसद्मा दर्ता गराएको विद्यालय शिक्षा विधेयकप्रति असन्तुष्टि जनाउँदै देशभरका शिक्षकले असोज ३ गतेदेखि काठमाण्डु केन्द्रित आन्दोलन गरिरहेका थिए ।