फाइल तस्वीर
काठमाडौं । प्रधानमन्त्री पुष्पकमल दाहाल प्रचण्ड साताव्यापी भ्रमणका लागि चीन पुगेका छन् । गत शनिबार संयुक्त राष्ट्रसंघको महासभामा भाग लिन न्यूयोर्क पुगेका प्रधानमन्त्री प्रचण्ड शुक्रबार राति सिधै चीन भ्रमण गएका हुन् ।
चीन भ्रमणमा रहँदा चिनियाँ राष्ट्रपति सी जिनपिङ, समकक्षी ली छ्याङलगायतसँग भेटघाट गर्ने कार्यक्रम छ । चिनियाँ समकक्षी छ्याङको निमन्त्रणामा प्रधानमन्त्री प्रचण्ड न्युयोर्कबाट शुक्रबार स्थानीय समयअनुसार राति साढे १ बजेको फ्लाइटबाट हाङजाओ प्रस्थान गरेका हुन् ।
प्रधानमन्त्री प्रचण्ड चीनमा हुने १९ औं एसियाली खेलकुदको उदघाटन समारोहमा सहभागी हुनेछन् । प्रधानमन्त्री प्रचण्डले आजै (शनिबार) चिनियाँ राष्ट्रपति सी जिनपिङसँग भेट गर्ने कार्यक्रम रहेको जनाइएको छ ।
