काठमाडौं । अमेरिकाको टाइम म्यागेजिनले काठमाडौं महानगरपालिकाका मेयर बालेन्द्र साहलाई सन् २०२३ मा सय उदयीमान व्यक्तिको सूचीमा समावेश गरेको छ । म्यागेजिनले ‘टाइम हन्ड्रेड नेस्क्ट’ सूचीमा बालेन्द्रकाे नाम पनि समावेश गरेको हो ।
स्वतन्त्र उमेदवार बनेर ३३ वर्षीय बालेन्द्रले टिकटक, ट्विटर र इन्स्टाग्रामको प्रयोगबाट चुनाव जितेको टाइम म्यागेजिनमा उल्लेख गरेको छ । बालेन्द्रले सन् २०१५ को विनाशकारी भूकम्पको समयमा जनताको साना तथा अत्यावश्यक समाधानमा जोड दिएको उल्लेख गरिएको छ ।
बालेन्द्रले फोहोर विसर्जन, सरसफाइ, सुरक्षित पिउने पानी, सफा सडक र सहरी विकाससँगै सांस्कृतिक सम्पदाको संरक्षणमा योगदान पुर्याएको टाइम म्यागेजिनको भनाइ छ । टाइम म्यागेजिनले सहरका अवैध संरचना भत्काइरहेको विषयको प्रशंसा गरेको छ ।
